Viðhald fasteigna
viðhald fasteigna
Steind býður upp á sérhæfða þjónustu og faglega ráðgjöf í tengslum við
viðhaldsframkvæmdir bygginga, þar á meðal gerð framkvæmdaáætlana, útboða og eftirlit
með framkvæmdum. Að fá faglega ráðgjöf og sérhæfða þjónustu við undirbúning,
framkvæmd og mat mannvirkja skilar bæði fjárhagslegum og rekstrarlegum ávinningi til
lengri tíma litið. Með markvissri nálgun er hægt að draga úr áhættu, bæta ákvarðanatöku og tryggja gæði framkvæmda. Steind býður upp á eftirtalda þjónustu í viðhaldsframkvæmdum:
- Gerð framkvæmdaráætlana
- Útboð og eftirlit með framkvæmdum
- Ástandsskoðun þar á meðal vegna raka og myglu
- Matsmaður/dómkvaddur matsmaður
Gerð framkvæmdaráætlana
Með vönduðum framkvæmdaráætlunum fæst skýr yfirsýn yfir umfang verkefna, tímaramma og kostnað. Þetta auðveldar skipulag, dregur úr óvissu og minnkar líkur á ófyrirséðum töfum
eða kostnaðarauka. Steind aðstoðar við gerð vandaðra framkvæmdaráætlana þar sem
skilgreindir eru verkþættir, tímasetningar, kostnaðaráætlanir og tæknilegar forsendur.
Markmiðið er að tryggja skilvirka framkvæmd, góða yfirsýn og lágmarka áhættu á töfum eða
kostnaðarfrávikum.
Útboð og eftirlit með framkvæmdum
Veitt er ráðgjöf og þjónusta við undirbúning og framkvæmd útboða, þar á meðal gerð
útboðsgagna, greiningu tilboða og aðstoð við samningsgerð. Jafnframt getur Steind sinnt
eftirliti með framkvæmdum til að tryggja að verk séu unnin í samræmi við samninga,
teikningar, verklýsingar og gæðakröfur.
Útboð framkvæmda getur skilað bæði hagkvæmari verktíma og betri
kostnaðarfyrirsjáanleika. Þegar útboð eiga ekki við aðstoðum við viðskiptavini við að finna
hæfa og áreiðanlega fagmenn, þar sem réttindi, gæðakerfi og reynsla eru vandlega metin.
Steind sinnir jafnframt gerð verksamninga og tryggir faglega umgjörð verkefna frá upphafi til
enda, óháð stærð þeirra.
Ástandsskoðun mannvirkja
Steind framkvæmir ástandsskoðanir á mannvirkjum með það að markmiði að meta ástand
bygginga, greina galla, slit eða skemmdir og leggja mat á viðhalds- eða endurbótaþörf.
Sérstök áhersla er lögð á skoðanir vegna raka og myglu, þar sem notast er við viðurkenndar aðferðir og faglegt mat.
Dómkvaddur matsmaður
Fulltrúi Steindar tekur að sér að útbúa matsgerðir vegna ástand fasteignar, galla á
framkvæmdri þjónustu og/eða vegna ágreinings, ýmist sem dómkvaddur matsmaður eða
samkvæmt almennri beiðni. Matsgerð er unnin óháð, hlutlaus og í samræmi við faglega
staðla.
